सेनेतील मंत्र्यांच्या कामांना प्रसिद्धी देवू नका!

भाजपाचा अलिखित फतवा! ‘लोकराज्य’तून शिवसेनाप्रमुखांची उपेक्षाच; सेनेला वरचढ होवू न देण्याचे कारस्थान!

भाजपा-शिवसेना सरकारची वर्षपूर्ती नुकतीच झाली आहे. सरकार दोन पक्षांचे आहे, असे दाखविले जात असले तरी या सत्तेत शिवसेनेला कोणतीही किंमत नाही, हे वारंवार दिसून आलेले आहे. सत्ता स्थापनेपासूनच शिवसेनेला अत्यंत हीन दर्जाची वागणूक देत भाजपाने हिणवले आहे. सरकारच्या कार्यक्रमांनाही शिवसेनेला निमंत्रण दिले जात नाही. इतकेच नव्हे तर सेनेतील मंत्र्यांच्या कामांना प्रसिद्धीही न देण्याचे षडयंत्र भाजपने रचल्याची माहिती सरकारी माध्यमांतील विश्‍वसनीय सूत्रांनी दिली आहे.

राज्यात शिवसेनेचे प्राबल्य वाढू नये व सर्वत्र केवळ भाजपचीच सत्ताकमळे उगवावीत, या राजकीय हेतूने राज्य मंत्रीमंडळातील शिवसेनेच्या निर्णयांना सरकार दरबारी कोणतीच प्रसिध्दी मिळू नये, यासाठी भाजपने पद्धतशीरपणे व्यूहरचना आखली आहे. हे षडयंत्र रचण्याचे आदेशही ‘नमो’ व अमित शहा या जोडगोळीने दिले असल्याचे सूत्रांकडून समजते. शिवसेनेचा वापर केवळ सत्ता  टिकण्यासाठी म्हणून करा, त्यांना डोईजड होवू देवू नका, या दृष्टीने सेनेतील मंत्र्यांच्या अगदी महत्त्वाच्या निर्णयांनाही प्रसिध्दी देवू नका, असा मौखिक आदेशही सरकारच्या मुखपत्रातील काम करणार्‍या संपादकीय विभागाला आला आहे. सरकारचे मुखपत्र असलेल्या ‘लोकराज्य’मधून शिवसेनेच्या मंत्र्यांच्या कामगिरीवर काही अपवाद वगळता कोणताही प्रकाशझोत तर सोडाच पण अवाक्षरही काढले जात नाही. 

प्रसिध्दीबरोबरच स्वतःची निगेटीव्ह पब्लिसिटी होवू नये, यासाठीही भाजपचा मिडीया सेल कार्यरत आहे. राज्यात घडलेले तूरडाळ प्रकरण व महसूलातील इतर घोटाळे माध्यमांमध्ये प्रसिद्ध होऊ नयेत यासाठी त्यांनी 18 ‘निवडक’ पत्रकारांना अकरा दिवसांसाठी आसाम दर्शन घडवतेय. या लग्झरियस टूरचा अवाढव्य खर्च कोणी केला? (बोगस पदवी व दोन बायकांच्या वादात अडकलेले मंत्री बबनराव लोणीकर हा खर्च करणार असल्याचे समजते.) ‘अभ्यासदौरा’ या गोंडस नावाखाली आयोजित केलेली हीच टूर त्यांनी दुष्काळी भागात का नेली नाही? यात पीआर व मिडीया सेलच्या माणसांची खोगीरभरती कशासाठी? हा केवळ मिडीया ‘मॅनेज’ करण्याचा प्रयत्न आहे, अशी प्रतिक्रियाही शिवसेनेच्या नेत्याने नाव न सांगण्याच्या अटीवर व्यक्त केली. 

शिवसेनाप्रमुख बाळासाहेब ठाकरे यांना जावून 3 वर्ष पूर्ण झाली. केंद्र व राज्यात भाजपची सत्ता येण्यासाठी शिवसेनाप्रमुखांनी कित्येक वर्षांपासून प्रयत्न केले होते. साहेबांचा अंत्यसंस्कार तत्कालीन मुख्यमंत्री पृथ्वीराज चव्हाण यांनी शासकीय इतमामात केला होता. आज साहेबांना जावून तीन वर्षे पूर्ण झाली. मात्र त्याचा उल्लेखही ‘लोकराज्य’मधून कुठेही झाला नाही.

राज्यात ‘शिवनेरी’च्या धर्तीवर ‘शिवशाही’ नावाने 500 बसेस सुरू करणार आहेत. परिवहन मंत्री रावते यांनी ही महत्त्वाची कामगिरी केलेली आहे. मात्र या निर्णयाचीही सरकार दरबारी प्रसिद्धीसाठी उपेक्षाच होणार आहे. आरोग्यमंत्री दीपक सावंत यांची राजीव गांधी जीवनदायी योजनेच्या धर्तीवर बाळासाहेब ठाकरे आरोग्य संजीवनी योजना तीन महिने मुख्यमंत्री देवेंद्र फडणवीस यांच्या निर्णयाची प्रतिक्षा करत आहे. युती सरकारमध्ये लाल दिव्याची गाडी फिरवणारे शिवसेनेचे ज्येष्ठ नेते व उद्योगमंत्री सुभाष देसाई, परिवहन मंत्री दिवाकर रावते, पर्यावरण मंत्री रामदास कदम, सार्वजनिक बांधकाम मंत्री एकनाथ शिंदे यांनी लोकहिताचे असंख्य क्रांतिकारी निर्णय घेतले आहेत.

मात्र, राज्यातून शिवसेनेला दाबण्याचे हे कारस्थान आहे. सरकारी माध्यमांतून शिवसेनेच्या क्रांतीकारी कामगिरींवरही दुर्लक्ष करा, त्यांना अनुल्लेखाने मारा, असा अलिखित आदेशही आहे. यामुळे शिवसैनिक संतप्त आहेत. हा उद्रेक मुंबईतील पालिका निवडणुकांत होण्याची शक्यता आहे.

---------------------------------------------------

बोगस डिग्रीचे विनोद तावडे प्रसिध्दीच्या झोतात राहण्यासाठी अहोरात्र धडपडत असतात. त्यासाठी त्यांनी तगडा पगार देवून चांगले जनसंपर्क अधिकारीही हायर केले आहेत. प्रत्यक्ष कामांपेक्षा त्यांचा भर हा कायमच प्रसिध्दीवर राहिलेला आहे. स्वतःच्या इमेज बिल्डींगसाठी ते ‘सेवार्थ’ नावाचे मासिकही चालवतात. आजमितीला स्वस्त व सवंग प्रसिध्दीसाठी अग्रेसर असणार्‍या मंत्र्यामध्ये त्यांचे नाव सर्वोच्च स्थानी आहे.

---------------------------------------------------

शिवसेनेने एखादी योजना आणली की त्यांना काउण्टर करणारी योजना भाजपाचे आमदार आशीष शेलार मुख्यमंत्री देवेंद्र फडणवीसांकडे घेवून जातात व त्या योजना, निर्णयाला क्षणार्धात मान्यताही मिळते. उदा. डीपी प्लॅन, आरे कारशेड इत्यादी. थोडक्यात, शिवसेनेला क्रेडिट मिळू नये यासाठी भाजपची ही सारी धडपड असते. 

---------------------------------------------------

वास्तविक शिवसेनेची स्थापना 1966 सालची व भाजपची  स्थापना 1988 सालची. यादृष्टीने भाजपने शिवसेनेला दुर्लक्षित करण्याची भूमिका अत्यंत चुकिची आहे. भाजपावाले आपल्याच मस्तीत गुंग असल्याचे चित्र आहे. मात्र शिवसेनेचे मुखपत्र असणार्‍या ‘सामना’तून पंतप्रधान नरेंद्र मोदी व भाजपावरील नकारात्मक बातम्यांना ठळक प्रसिद्धी दिली जाते. कोणत्याही परिस्थितीत केंद्रातील मंत्रीपद मिळवण्यासाठी कार्यकारी संपादक व खासदार संजय राऊत यांची ही स्ट्रॅटेजी असल्याची माहितीही भाजपच्या प्रवक्त्याने दिली आहे. मात्र लोकसभा निवडणुकीच्या अगोदर ‘दोपहर का सामना’चे कार्यकारी संपादक प्रेम शुक्ला यांनी ‘नमों’चा बाप काढल्याचे अद्यापही नमोंच्या स्मरणात आहे. त्याचे बील मात्र राऊतांवर फाडले गेल्यामुळे ‘नमो’ राऊतांवर नाराज आहेत, या नाराजीचा फटका राऊतांना बसत आहे. पक्षप्रमुख उद्धव ठाकरेही हा खेळ मजेत पहात आहेत. जणू दुसर्‍याच्या काठीने साप मारल्यांचा ते आनंद घेत असावेत. अशी माहिती भाजपाच्या एका प्रवक्त्याने नाव न देण्याच्या अटीवर दिली.

---------------------------------------------------

‘महायुती’ सरकारचे महत्त्वाचे निर्णय

एमआयडीसीबाहेरच्या क्षेत्रातील उद्योगांसाठी राज्य सरकारने चटईक्षेत्र निर्देशांक 0.2 वरून 1 पर्यंत वाढवण्याचा निर्णय 5 जून रोजी घेतला.

प्रतिकूल अहवाल देऊन उद्योजकांची सतावणूक करण्याच्या प्रकारांना लगाम घालण्यासाठी ठोस पावले उचलली. निरीक्षकांना आपला तपासणी अहवाल 72 तासांच्या आत सादर करण्याचे आणि तो अहवाल वेबसाइटवर झळकवण्याचे बंधनकारक करण्यात आले आहे.

प्रदूषण नियंत्रण मंडळाच्या अधिकाऱ्यांनाही उद्योगाच्या तपासणीचा अहवाल 24 तासांच्या आत वेबसाइटवर झळकवणे बंधनकारक केले आहे.

उद्योगासाठी  लागणार्‍या परवान्यांची संख्या कमी करून 75 वरून 37 वर आणली आहे. ती आणखी 25 पर्यंत खाली आणण्यासाठी सध्या काम सुरू आहे.

चार लाख कोटी रुपयांची गुंतवणूक करून त्याद्वारे 20 लाख रोजगार उपलब्ध .

- उन्मेष गुजराथी

“Mahesh Motewar’s cup of sins is full”

Bharatkumar Raut tenders resignation; Kumar Ketkar may land in prison

English Version

The days of Mahesh Motewar, who has alleged defrauded lakhs of investors for an amount of over Rs 1700 crore are numbered and there are signs that he would be arrested soon. Consequently a series of resignations are being tendered in “Mee Marathi”.

“Mee Marathi” CEO Supriya Kanse and former Shiv Sena MP Bharatkumar Raut have already resigned from the directorship of the company. But another director Kumar Ketkar is still continuing in his post and has been doing liaison work for Motewar. If Motewar is booked under the stringent  Maharashtra Protection of Depositors’ Act (MPDA), even Ketkar would be required to serve a prison term with hard labour.

“Samruddh Jeevan” a company controlling “Mee Marathi” and “Live India” TV channels has been in talks for various reasons for the last few days. Now after SEBI’s action, the reality has come to the fore. We have already published stories about how the owner of “Samruddh Jeevan” made his sweetheart, Supriya Kanse, a CEO of “Mee Marathi”, bypassing all rules. The dispute over property has began in the group. Motewar who deserted his real wife for his sweetheart is now entangled in legal complexities. This story is more colourful than the Indrani Mukherjea case.

How Kumar Ketkar and Bharatkumar Raut are working in an institute run by a swindler, who has swindled thousands of investors for crores of rupees, is a big puzzle. Nikhil Wagle has already left earlier. Bharatkumar Raut, put in his papers on Thursday. Though late, both have rectified their “mistake”. But Kumar Ketkar, who preaches morality to the world, is still stuck with Motewar’s company. How one can tolerate “Nobility” of a double-standard man Ketkar ? This leads to only one conclusion...now no one is bothered about Ketkar or he wants to retain an office of profit in his old age.  Ketkar does not seem to be interested in adhering to morality.  

   

“I am interested in social work. I am always busy. I am not interested in any controversy. As such I have resigned from the post of  “Director and “Media adviser” of “Mee Marathi”- Bharatkumar Raut.

“SEBI usually does not accept a complaint. When common men approach police, they are directed to SEBI. But SEBI does not register small frauds. SEBI inquires only if the fraud is worth over Rs 100 crore. The inquiry of any matter, takes 12 to 13 years. In the intervening period,these fraudsters siphon off money and send it abroad. They open new companies. The poor people do not give cheques. They shell out Rs 1000 to Rs 2000.  Now a warrant has been issued against Mahesh Motewar by authorities in Madhya Pradesh. An award of Rs 2000 has also been announced for information about Motewar. Yet such fraudsters get passport. They roam abroad. They have become thick-skinned. In this case, the SEBI has granted six monthly extensions twice.
- Naresh Jain, Economist 

“The press freedom begins with once’s own newspaper. Some of the thick-skinned editors do not bother even to know how the owner earns money. When trapped in legalities, they desert their owners and run away. This has been proved by Bharatkumar Raut’s resignation once again. Those owners who earn money by illegitimate means, throw a gauntlet of shielding their black deeds before senior editors. If they fail to prove and protect their owners, they are thrown out of job. This attitude is seen in the way management shown a door to Bharatkumar Raut. It is known fact that Motewar asked him to resign.”- Ketan Tirodkar, Senior RTI activist      

“Mahesh Motwar defrauded investors and amassed black money. He transferred money to those companies on which SEBI or other departments had imposed curbs. He collected money from farmers in the name of sheeps and goats. He has diverted this money to his seven star hotels, malls, aeroplanes  and Hindi and Marathi TV channels. SEBI in its report has clearly concluded that he has cheated poor people and investors.”

- Kirit Somaiya, BJP MP

“There is a correlation between the action taken by the Pune Police against the “Samruddh Jeevan” company and the resignations by staff  of “Mee Marathi”. Supriya Kanse was appointed as a CEO of “Mee Marathi” by Motewar. Besides, this post was specially created using funds of “Samruddh Jeevan” for “Mee Marathi”. As such it is clear that after “Samruddh Jeevan” becomes insolvent, the inquiry will be held into the irregularities in “Me Marathi” and  the responsibility of submitting relevant papers would fall on the controlling the company. Whenever a company becomes defunct due to embezzlement of funds and irregularities, all the directors of the company are required to answer to Central Bureau of Investigation(CBI) and Enforcement Directorate(ED) whether legal formalities were completed or not. There has been past experience that if there are irregularities in documents or if the documents are misplaced, those controlling the affairs run away installing a dummy person at the helm. A series of resignations in “Mee Marathi” is the repetition of history.”...- Sanjiv Punalekar, Secretary, ‘Hindu Vidhidnya Parishad’ (HVP)

“ The big editors collude with the system and protect each others financial interest. In such situation the common men bear the brunt of financial loss. I describe these bigwigs as “Coalition of Connected People”. Such coalitions are extremely dangerous to democracy and to the people oriented transparent administration. As such all these so called bigwigs should be exposed and a stringent action is taken against them. Such corrupt and unholy financial nexus, give birth to yellow journalism and corrodes the fourth pillar of the democracy. This is extremely dangerous for any democracy.”
- Rajan Raje, 

President, Dharmrajya Paksh

BJP MP Kirit Somaiya alleged that former Union Minister and NCP President Sharad Pawar and former Maharashtra Deputy Chief Minister Ajit Pawar have been shielding “Samruddh Jeevan” company, responsible for the alleged misuse of investors’ money. This company carried out the transactions worth nearly Rs 463 crore and defrauded the lakhs of investors despite curbs imposed by SEBI, he said adding that Motewar has lost the entire money and as such he should be arrested at once.

The “Samruddh Jeevan Multi Co-op Society, used over Rs 426 crore collected through chit fund, for investing in the malls, TV channel and other business, despite SEBI’s restrictions. Now the chances of investors receiving money back is remote, Somaiya alleged. He quoted a report of the state cooperative ministry for 2015 in support of his claim.

“The matter would not have gone to this extent, if the former Congress-NCP Government was to take action in time”, Somaiya said demanding that criminal proceedings be launched against Mahesh Motewar and bank accounts of the directors of “Samruddh Jeevan” and its sister concerns be sealed. Somaiya also called on Union Agriculture Minister Radha Mohan Singh and Union Minister of State for Information and Broadcasting Rajwardhan Rathore and briefed them about this matter. 

“Motewar is publicity crazy. To swindle the hard earned money of poor people is like sucking their  blood. To organise mega blood donation camps is Motwar’s old trick.Besides he has also gained “publicity” through the “managed” awards and honourary degrees. This entire matter has to be investigated” Senior Social Worker Dilip Inakar said.

Who looted investors through chit fund ?

SEBI has banned “Samruddh Jeevan”, “Saiprasad” and  “ Landmark”. Besides, SEBI inquiry is on into the activities of “Hari Om”, “Pearl Agro”, “Twinkle Plants and Projects” and “Om Goenka” and SEBI has directed Maharashtra Government, to take action against these firms after preliminary inquiry.

An offence was registered against “KBC” when it came to the fore that this chit fund company had defrauded several investors from Maharashtra. A needle of suspicion is also been moving around other companies.. “Garware Club House”, “Cytrus Hotels”, “ Orange Holidays, “Enmart Retails”,”Gurupasad”,” Virgin Gold International” and “Mire Realtors”.

In Maharashtra nearly 162 chit fund companies have defrauded public for over Rs.40,000

crore. As such the state government should take action against these companies, Somaiya has urged Chief Minister Devendra Fadnavis. He has also presented the  list of 162 fraudulent companies to the CM. The list includes: “Enmart”, “KBC”, “Samruddh Jeevan”, “Orange Holidays”,  “Saiprasad”, “Garware”, “Shri Surya”, “Pearls”, “Hari Om’ and “Twinkle”. When contacted for comments, these companies didn’t respond.

Motewar collected over Rs 1700 crore money from the road side vegetable vendors, autorickshawmen and other working class and invested in his own companies. This is pure cheating. Mahesh Motewar and Kumar Ketkar could not be reached despite repeated attempts.

- Unmesh Gujarathi

420 महेश मोतेवारांच्या पापाचा घडा भरला! भारतकुमार राऊतांचा राजीनामा !!

'समृद्ध जीवन'मधून भारतकुमार राऊतांचा राजीनामा ! कुमार केतकर मात्र अद्यापही पदावर

लाखो गुंतवणूकदारांना 1700 कोटी रुपयांहून अधिक रकमेचा चुना लावणार्‍या 420 महेश मोतेवारांची शंभरी आता भरली आहे. त्यांना लवकरच अटक होण्याची चिन्हे आहेत. त्यामुळे मी मराठीतही सध्या राजीनामा सत्र सुरु झालेले आहे. सीईओ सुप्रिया कणसेंसोबत आता शिवसेनेचे माजी खासदार भारतकुमार राऊत यांनीही त्यांच्या संचालकपदाचा राजीनामा दिला आहे. मात्र दुसरे संचालक कुमार केतकर मात्र अद्यापही पदावर असून, मोतेवारांसाठी लायझनिंगची कामे करत आहेत. मात्र महाराष्ट्र प्रोटेक्शन ऑफ डिपॉजिटर्स अ‍ॅक्ट (एमपीडीए) लागू झाला तर लाचार केतकरांनाही मोतेवारांप्रमाणे तुरुंगात खडी फोडायला जावे लागणार आहे.

- उन्मेष गुजराथी

मी मराठी आणि लाईव्ह इंडिया या दोन्ही टि.व्ही चॅनल्सचे संचलन करणारी समृद्ध जीवन कंपनी अनेक कारणाने काही दिवस चर्चेत होती. सेबीने केलेल्या कारवाईनंतर आता हा खरा भोपळा फुटला आहे. समृद्ध जीवन कंपनीच्या मालकाने आपल्या प्रेयसीलाच सीईओ कसे बनवले ? याच्याही सुरस कथा आम्ही जगजाहीर केल्या आहेत. इस्टेटीवरून भांडणे सुरू झाली आहेत. आपल्या प्रेयसेसाठी लग्नाच्या बायकोला सोडून देणारा मोतेवार आता पूर्णत: कायद्याच्या कचाट्यात सापडला आहे. इंद्राणी मुखर्जी प्रकरणापेक्षाही हे प्रकरण आधिक रंगतदार आहे.

देशभरातून हजारो गुंतवणूकदारांना कोट्यवधीचा चुना लावणार्‍या भामट्या माणसाच्या संस्थेत कुमार केतकर आणि भारतकुमार राऊत ही माणसे कशी काम करतात, हे कोडेच आहे.

निखिल वागळे यातून अगोदरच बाहेर पडलेत. गुरूवारी भारतकुमार राऊत यांनीही राजीनामा दिला. या दोघांनी उशिरा का होईना पण आपली चुक सुधारली आहे. मात्र नैतिकतेचा डांगोरा पिटणारे आणि जगाला शहाणपणाचे डोस पाजणारे कुमार केतकर अजूनही मोतेवारांना चिकटून आहेत. अशा दुटप्पी माणसांचा आदर्शवाद कसा खपवून घ्यायचा, याचा एकच अर्थ निघतो की, केतकरांना आता कोणीही उभे करत नाही किंवा त्यांना म्हातारपणातही लाभाचे पद हवे आहे. त्यासाठी कुठलीही नितीमत्ता आणि संकेत पाळण्याची त्यांची इच्छा दिसत नाही. 

मला सामाजिक कार्याची आवड आहे. मी कायमच त्या कामात व्यस्त असतो. कोणत्याही वादविदात पडण्याची मला इच्छा नाही. यामुळे मी या कंपनीच्या संचालक व माध्यम सल्लागार या पदांचा राजीनामा दिला आहे.
- भारतकुमार राऊत, माजी खासदार

सेबीकडे तक्रार येतच नाही. सर्वसामान्य व्यक्ती जेव्हा पोलीसात तक्रार घेऊन जातात तेव्हा त्यांना सांगतात सेबीकडे जा. मात्र सेबी किरकोळ स्वरूपाची तक्रार घेतच नाही. सेबी चौकशी करते 100 करोडच्यावर तेव्हा त्यामध्ये फारच मोठा कालावधी जातो. जवळजवळ 12 ते 13 वर्षांचा कालावधी लागतो. त्या काळात हे लोक विदेशात सायपन ऑफ काढतात. दुसर्‍या कंपन्या काढतात. गरिबांकडून चेक मिळत नाही. त्यांना 1000, 2000 ची कॅश मिळते त्याचा ते  लाभ घेतात. महेश मोतेवार विरोधात मध्यप्रदेशमध्ये वॉरन्ट काढले आहे. 2000 रु. चे इनाम ठेवले आहे. तरीही त्यांना पासपोर्ट मिळतात. परदेशात ते लोक भ्रमण करतात. ते मुजोर झाले आहेत. सेबीच्या सेटने 6 महिन्यांचे 2 वेळा एक्सटेंशनही दिले आहे.

- नरेश जैन, अर्थतज्ज्ञ

वृत्तपत्र स्वातंत्र्याची सुरुवात ही स्वतःच्या वृत्तपत्रापासून होते. वृत्तपत्राचे मालक हे कोणत्या मार्गाने पैसा कमवतात याची काही निगरगट्ट संपादकांना फिकीर नसते. जेव्हा कायद्याची यंत्रणा गळयापर्यंत येते तेव्हा ते लोक मालकाची साथ सोडून पळून जातात. भारतकुमार राऊत यांच्या राजीनाम्यामुळे ही गोष्ट पुन्हा दिसून आली. वाईट मार्गाने पैसे कमविणार्‍या मॅनेजमेंट वरीष्ठ पत्रकारांना आपली काळी कृत्य दाबण्याकरीता सुपारी देतात. ती सुपारी त्यांना वेळेत वाजवता आली नाही तर त्यांना नोकरीवरून काढलं जातं. भारतकुमार राऊत यांच्या गच्छंतीमध्ये हा एक दृष्टीकोन दिसून येतोय. राऊत यांनी दिलेला राजीनामा हा त्यांच्या हकालपट्टीचा भाग आहे. मोतेवारने त्यांना सक्तीने राजीनामा देण्यास सांगितले होते, हे जगजाहिर आहे.
- केतन तिरोडकर, ज्येष्ठ आरटिआय कार्यकर्ते   

महेश मोतेवर यांनी सर्व गुंतवणूकदारांची फसवणूक करुन काळी माया जमा केली आहे. ज्या कंपन्यांवर सेबीने किंवा इतर विभागाने प्रतिबंध घातलेत त्या कंपनीत पैसा ट्रान्सफर केला. शेतकर्‍यांकडून शेळी, मेंढीच्या नावाने पैसे घेतले. ते सगळे पैसे मोतेवारने आपल्या सेवेन स्टार हॉटेल्स, मॉल्स, विमान आणि हिंदी, मराठी दोन्ही चॅनल्ससाठी डायव्हर्ट केले आहेत. नियमबाह्य पद्धतीने गोरगरिबांची व  गुंतवणूकदारांची फसवणूक केली. असा स्पष्ट निष्कर्ष या अहवालात आहे.

किरीट सोमैय्या, खासदार

समृद्ध जीवनवर पुणे पोलिसांनी केलेली कारवाई आणि मी मराठी चालवणार्‍या कंपनीमध्ये सुरु झालेले राजीनामा सत्र यांचा थेट संबंध आहे. मी मराठीच्या प्रमुख कार्यकारी अधिकारी म्हणून सुप्रिया कणसे यांना महेश मोतेवार यांनी निवडले होते. त्याचबरोबर समृद्ध जीवनमधून मी मराठीमध्ये सीईओ हे पद त्यांच्यासाठी निर्माण केले होते. त्यामुळे समृद्ध जीवन बुडीत निघाल्यानंतर मी मराठीची पूर्ण चौकशी होणार आणि यामध्ये ज्यांच्याकडे कंपनीची सुत्रे आहेत, त्यांच्यावर सर्व कागदपत्रे सादर करण्याची जबाबदारी येऊन पडणार हे स्पष्ट आहे. ज्यावेळी एखादी कंपनी अपहार किंवा गैरव्यवहारामुळे बंद पडते तेव्हा तिच्या संचालकांना सर्व कागदपत्रे तसेच कायदेशीर बाबींची पूर्तता झाली आहे की नाही याचा जाब केंद्रीय अन्वेषण विभाग (सीबीआय) तसंच सक्तवसूली संचलनालय (ईडी) इत्यादींना द्यावा लागतो. कागदपत्रांमध्ये घोटाळा असेल किंवा कागदपत्रे गहाळ केली असतील तर एखाद्या डमीला पदावर बसवून अपहाराचे सूत्रधार पळ काढतात, असा अनुभव कित्येकदा यापूर्वीही आलेला आहे. त्यामुळे मी मराठीमधील राजीनामा सत्र ही याच इतिहासाची पुनरावृत्ती आहे.
- संजीव पुनाळेकर सचिव, हिंदू विधिज्ञ परिषद

जे बडे पत्रकार आहेत ते संपूर्ण व्यवस्थेशी संधान बांधून असतात आणि आपापसात आर्थिक हितसंबंधांची ते जपणूक करत असतात. त्यात आर्थिक नुकसान होऊन जनतेचा नाहक बळी जातो. या बड्या धेंडांना मी ‘कोअ‍ॅलिशन ऑफ कनेक्टेड पिपल’ म्हणतो. भारतातील लोकशाहीसाठी आणि पारदर्शक व लोकाभिमूख कारभारासाठी हे अत्यंत हानिकारक आहे. यात गुंतलेल्या सगळया बड्या धेंडांचा पर्दाफाश करून त्यांच्यावर कारवाई केली पाहिजे. या अशा भ्रष्ट व अनिष्ट आर्थिक हितसंबंधातून ङ्गपीत पत्रकारीताफ जन्माला येते आणि लोकशाहीचा सगळ्यात महत्वाचा व मोठा चौथा आधारस्तंभ आहे तो पोखरला जाऊन कमकुवत होतो. हे कुठल्याही राष्ट्रासाठी अत्यंत धोकादायक आहे.

राजन राजे, अध्यक्ष, धर्मराज्य पक्ष 

लक्षावधी गुंतवणूकदारांच्या निधीचा गैरवापर करणार्‍या ‘समृद्ध जीवन’ला माजी केंद्रीय मंत्री आणि राष्ट्रवादी काँग्रेसचे सर्वेसर्वा शरद पवार आणि माजी उपमुख्यमंत्री अजित पवार यांनी अभय दिल्याचा आरोप भारतीय जनता पक्षाचे नेते किरीट सोमैय्या यांनी केला. सेबीचे प्रतिबंध असतानाही या कंपनीने तब्बल 463 कोटींचे व्यवहार केल्याचा आरोपही त्यांनी केला.

लाखो गुंतवणूकदारांना गंडा घालणार्‍या ‘समृद्ध जीवन’ने सेबीचे प्रतिबंध असतानाही तब्बल 426 कोटींचे व्यवहार करुन गुंतवणूकदारांची फसवणूक केल्याचा आरोप भाजपचे खासदार किरीट सोमैय्यांनी केला आहे. तसेच मोतेवार यांनी गुंतवणुकदारांचे सगळे पैसे बुडवले असून सरकारने त्यांना त्वरित अटक करावी अशी मागणी सोमैय्यांनी केली आहे

समृद्ध जीवन मल्टी को.ऑ. सोसायटीने चीट फंडच्या माध्यमातून जमा केलेले 426 कोटी रुपये मॉल, इतर बिझनेस आणि टि.व्ही चॅनेलमधे सेबीच्या निर्बधानंतरही वापरले आहेत आणि ते लोकांना परत केले जाण्याची शक्यता शुन्य आहे असा खळबळजनक आरोपही किरीट सोमैय्यांनी केला आहे. यासाठी सोमैय्या यांनी कोऑपरेटीव्ह मिनीस्ट्रीच्या 2015 चा रिपोर्टचा दाखला दिला आहे.

आघाडी सरकारने वेळीच कारवाई केली असती तर हे प्रकरण एवढे वाढलेच नसते असेही सोमैय्या म्हणाले. त्यामुळे याप्रकरणी महेश मोतेवार यांच्यावर फौजदारी कारवाई करुन त्यांची आणि संचालकांची बँक खाती जप्त करण्यात यावीत अशी मागणी किरीट सोमैय्या यांनी केली आहे. यासंदर्भात ते कृषीमंत्री राधामोहन सिंग आणि माहिती प्रसारण राज्यमंत्री राजवर्धन राठोड यांना भेटले.

याप्रकरणी मोतेवार यांच्यावर फौजदारी कारवाई करुन त्यांची आणि संचालकांची  बँक खाती जप्त करण्यात यावीत अशी मागणी किरीट सोमैय्या यांनी केली आहे.

मातेवारांना प्रसिध्दीची प्रचंड हौस आहे. लाखो गोरगरिबांच्या कष्टाच्या कमाईवर डल्ला मारायचा, हा त्यांचा रक्त शोषून घेण्याचा प्रकार आहे. आणि त्यानंतर स्वस्त प्रसिध्दीसाठी महारक्तदान शिबीरे भरवायची, ही 420 मोतेवारांची जुनीच तंत्रे. मॅनेज केलेले पुरस्कार व मानद पदव्या यातूनही मोतेवारांनी वारेमाप प्रसिद्धी मिळवली. या सगळ्यांची सखोल चौकशी झालीच पाहिजे. अशी माहिती ज्येष्ठ सामाजिक कार्यकर्ते दिलीप इनकर यांनी दिली.

चिटफंडातून कोणी लुटले?

समृद्ध जीवन आणि साईप्रसाद लॅण्डमार्क या चिटफंड कंपन्यांना प्रतिबंध घातला आहे.

हरी ओम, पर्ल अग्रो, ट्विंकल प्लांट्स अँड प्रोजेक्ट, ओम गोएंका या कंपन्यांची सेबीतर्फे चौकशी सुरु आहे. मात्र प्राथमिक चौकशीनंतर राज्य सरकारला त्यांच्यावर कारवाई करण्याचे आदेश देण्यात आले आहेत. केबीसीने महाराष्ट्रातील अनेक गुंतवणुकदारांना गंडा घातल्याचे उघड झाले होते. त्यानंतर या चिटफंड कंपनीवर गुन्हा दाखल करण्यात आला आहे.

तर गरवारे क्लब हाऊस, सायट्रस हॉटेल्स,ऑरेंज हॉलिडेज, एनमार्ट रिटेल्स गुरुप्रसाद, व्हर्जिन गोल्ड इंटरनॅशनल, मीरा रिअलटर्स या चिटफंड कंपन्या संशयाच्या फेर्‍यात आहेत.

महाराष्ट्रात 162 चिटफंड कंपन्यांनी राज्यातील जनतेचे 40 हजार कोटी लुटले आहेत. या चिटफंड कंपन्यांवर राज्य सरकारने कारवाई करावी अशी मागणी भाजपचे खासदार किरीट सोमय्या यांनी मुख्यमंत्री देवेंद्र फडणवीस यांच्याकडे केली आहे. यावेळी खासदार सोमय्या यांनी मुख्यमंत्र्यांना या घोटाळा करणार्‍या 162 कंपन्यांची यादीच सादर केली आहे. मुख्यमंत्री फडणवीस यांनी याप्रकरणी तातडीने पावले टाकली जातील असे आश्‍वासन दिले आहे. एनमार्ट, केबीसी, समृद्ध जीवन, ऑरेंज हॉलिडेज कंपनी, साईप्रसाद, गरवारे, श्री सुर्या, पर्ल्स, हरी ओम, मीरा, ट्विंकल आदी चिटफंड कंपन्यांचा यात समावेश आहे. या कंपन्यांकडून अद्याप कोणतेही प्रतिक्रिया आली नाही.

रस्त्यावर भाजीपाला विकणारे, रिक्षाचालक यांसारख्या सर्वसामान्यांनी आपल्या कष्टाची पुंजी महेश मोतेवार या 420 आरोपीच्या कंपन्यांमध्ये गुंतवली. त्यातून 1700 कोटींहून अधिक रुपयांची माया जमा केली. ही जनतेची शुद्ध फसवणूक आहे. याबाबत प्रतिक्रियेसाठी महेश मोतेवर, कुमार केतकर यांना संपर्क साधला असता तो होवू शकला नाही.

- उन्मेष गुजराथी

एका समर्पित जीवनाचा अंत हिंदुत्त्वाचा आणखी एक तारा निखळला !

'बाबरी' पाडल्यानंतर भाजपचे नेते सुंदरलाल भंडारी यांनी वक्तव्य केले होते की, 'बाबरी'चा ढाचा शिवसैनिकांनी उद्धवस्त केला आहे; त्यानंतर भंडारी यांच्या वक्तव्याला शिवसेनाप्रमुख बाळासाहेब ठाकरेंनी उत्तर देताना म्हटले होते की, जर बाबरी शिवसैनिकांनी पाडली असेल तर त्या शिवसैनिकांचा मला अभिमान आहे. या वक्तव्याची आज प्रकर्षाने आठवण होत आहे. आजच्याच दिवशी हिंदुत्त्वाचा गजर निधड्या छातीने देणाऱ्या बाळासाहेबांना जावून तीन वर्ष झाली आहेत. त्यानंतर बरोबर याच  दिवशी दुर्दैवाने हिंदुत्त्वासाठी संपुर्ण आयुष्य खर्ची घालणारे अशोक सिंघल यांनी आपला देह ठेवला.

1992 साली बाळासाहेबांच्या व्यक्तव्यावरुन जगभरात वादळ उठले होते. या वादळाची ज्यांनी निर्मिती केली.त्यासाठी वारंवार धर्मसंसदा, संतबैठका, धर्मसभा आदिंमधून केलेल्या जागृतींमुळे निद्रिस्त हिंदू समाज जागृत झाला. आज त्या महायोद्धा अशोक सिंघल यांची प्राणज्योत मालवली, हा दुदैवी योग आहे.हिंदुत्त्वाच्या क्षितीजावरचा दुसरा ताराही निखळला.

मिनाक्षीपुरम  येथे जेव्हा दलितांचे झपाट्याने इस्लामीकरण सुरू झाले होते, तेव्हा त्यांना विधायक मार्गाने अटकाव घालणे, अत्यंत आवश्यक होते.अशावेळी विश्वहिंदू परिषदेच्या माध्यमातून अशोकजींनी त्या धर्मांतरीत दलितांपैकी बहुतेकांना पुन्हा हिंदू धर्माच्या कक्षेत आणलं. त्यांना व्यासपीठ दिले, नवा आत्मविश्वासही दिला. त्यांचे हे राष्ट्रीय कार्य वाखणण्याजोगे आहे.

1990 मध्ये राम मंदिर आंदोलनात सिंघल यांचा सक्रिय सहभाग होता. या आंदोलनामुळेच सिंघल देशभरात चर्चेत आले. त्यांच्याच कुशल नेतृत्वाखाली उभारलेल्या लढ्यातून पुढे राम जन्मभूमी मुक्त झाली. या ऐतिहासिक आंदोलनामुळे हिंदुत्वाच्या क्षेत्रात कार्यरत असणाऱ्यांसाठी सिंघल यांचा जीवनपट कायम प्रेरणा देत राहील.

सिंघल यांच्यावर सरसंघचालक गोळवळकर गुरुजींचा मोठा प्रभाव होता. पदव्युत्तर शिक्षणानंतर त्यांनी संघाचे पूर्णवेळ प्रचारक म्हणून काम केले. सुरुवातीला उत्तर प्रदेशात त्यानंतर त्यांनी दिल्ली व हरियाणाचे प्रांत प्रचारक म्हणूनही काम केले. 1980 साली त्यांची विश्व हिंदू परिषदेचे सहसचिव म्हणून नियुक्ती करण्यात आली. तर 1985 साली त्यांची सरचिटणीसपदी नियुक्ती करण्यात आली. त्यानंतर 2011 पर्यंत त्यांनी विहिंपचे अध्यक्षपद भूषवले.

अशोक सिंघल यांचा जन्म 15 सप्टेंबर 1926 रोजी आग्रा येथे झाला. 1942 साली ते राष्ट्रीय स्वयंसेवक संघात सामील झाले. देशाच्या फाळणीनंतर 1948 मध्ये संघावर बंदी घालण्यात आली. त्यावेळी त्यांना तुरुंगातही पाठवण्यात आले होते. तुरुंगातून सुटल्यानंतर सिंघल यांनी 1950 साली वाराणसी हिंदू युनिव्हर्सिटी ऑफ  टेक्नॉलॉजी येथून मेटलर्जिकल इंजिनिअरिंगची पदवी घेतली.

असे बनले संघ प्रचारक
1947 मध्ये देशाच्या फाळणीनंतर ते पूर्णपणे संघात काम करू लागले. 1948 मध्ये संघावर बंदी घालण्यात आली त्यावेळी त्यांना तुरुंगातही पाठवण्यात आले होते. तुरुंगातून सुटल्यानंतर त्यांनी इंजिनिअरिंग पूर्ण केले. सिंघल यांच्यावर सरसंघचालक गोळवळकर गुरुजींचा मोठा प्रभाव होता. ते दीर्घकाळ प्रचारक म्हणून कानपूरमध्ये राहिले.
1975 ते 1977 पर्यंत देशात आणीबाणी आणि संघावर बंदी होती. त्याकाळात इंदिरा गांधींच्या सरकारविरोधी आंदोलनातही सहभागी झाले.
आणीबाणी संपल्यानंतर ते दिल्ली प्रांताचे प्रचारक बनले.
1981 मध्ये दिल्लीत एक हिंदु संमेलन झाले. त्यात मोठ्या संख्येने लोक जमले होते. त्यानंतर सिंघल यांना विश्व हिंदु परिषदेची जबाबदारी सोपवण्यात आली.
नव्वदच्या दशकात राम जन्मभूमी आंदोलनात विश्व हिंदु परिषद आघाडीवर असल्याने सिंघल देशभरात चर्चेत आले.
देशात विश्व हिंदु परिषदेची ओळख निर्माण करण्याचे श्रेय सिंघल यांनाच जाते.
---------------------------------------------------------------------------

"राम मंदिराचे बांधकाम हे इस्लामच्या विरोधात नाही. अयोध्या, काशी आणि मथुरा यांवरील अधिकार मागे घेऊन मुसलमानांनी शांततेत रहावे. यामुळे हिंदू आणि मुसलमान यांच्यातील मधुर संबंध दृढ रहातील."
- अशोक सिंघल
---------------------------------------------------------------------------

- उन्मेष गुजराथी

लाखो गुंतवणूकदारांचे तळतळाट भोवणार ; मी मराठीचा गाशा गुंडाळणार !

सुप्रिया कणसे यांचा राजीनामा; 
कुमार केतकरांनाही खावी लागणार तुरूंगाची हवा

सुमारे 700 कोटी रुपयांहून अधिक रकमेची काळी माया जमवणार्‍या महेश मोतेवार यांच्या गैरव्यवहाराची चौकशी करण्याचे आदेश थेट केंद्र सरकारने सीबीआयला दिल्यामुळे मोतेवारांना आता तुरूंगाची हवा खावी लागणार आहे. यामुळे धास्तावलेल्या मी मराठीच्या सीईओ सुप्रिया कणसे यांनी त्यांच्या पदाचा नुकताच राजीनामा दिला आहे. सुप्रिया या मोतेवार याच्या 'खास' मर्जीतल्या मानल्या जातात. 

------------------------------

महेश मोतेवार  यांच्या समृद्ध जीवन फुड्स लिमिटेडविरोधात सेबीने फौजदारी तक्रार दाखल केल्यानंतर जेमतेम एक आठवडा पूर्ण होण्यापूर्वीच ब्रॉडकास्ट इनिशिएटीव लिमिटेड कंपनीच्या प्रमुख कार्यकारी अधिकारी सुप्रिया कणसे यांनी पदाचा राजीनामा दिला. या दोन घटनांमधील कार्यकारणभावाचा पोलिस आणि राज्य सरकारने गंभीरपणे विचार केला पाहिजे.

२०१३ साली सेबीने  समृद्ध जीवनवर ठेवी घेण्यास बंदी घातली होती. त्यानंतर शेकडो कोटी रुपयांच्या ठेवी या कंपनीने स्वीकारल्या आणि सेबीच्या आदेशाचे उघड उल्लंघन केले.  हे पैसे आता समृद्ध जीवन कंपनी परत कशी करणार हा यक्षप्रश्न आहे.  मोतेवार  आणि अन्य संचालकांना पोलिस तक्रारीत आरोपी करण्यात आले आहे. गुंतवणुकदारांचे पैसे परत न केल्यास या सर्वांना अटक केली जाईल. महाराष्ट्र गुंतवणूकदार व ठेवीदार संरक्षण कायद्यानुसार या सर्व आरोपींच्या व्यक्तिगत मालमत्तेवर टाच येऊ शकते.  

मी मराठी ही वाहिनी चालविणाऱ्या ब्रॉडकास्ट इनिशिएटीव लिमिटेड कंपनीत झालेली प्रचंड गुंतवणूक समृद्ध जीवन या कंपनीने केल्यामुळे महेश मोतेवार  हे या कंपनीचे अनभिषिक्त सम्राट होते. त्यांच्या मर्जीतील सुप्रिया कणसे, कुमार केतकर, शिवसेनेचे माजी खासदार भारतकुमार राऊत, अविनाश गोडसे इत्यादींना  ब्रॉडकास्ट इनिशिएटीव लिमिटेडची संचालक पदे बहाल करण्यात आली होती.  महाराष्ट्र गुंतवणूकदार व ठेवीदार संरक्षण कायद्यानुसार 'समृद्ध जीवन फुड्स लिमिटेड'विरोधात आरोपपत्र  दाखल झाल्यास 'ब्रॉडकास्ट इनिशिएटीव लिमिटेड कंपनी'ची चौकशी होणार हे निश्चित आहे. आज ही कंपनी तोट्यात चालते आहे. तिचे समभाग मूल्यही कोसळले आहे. वित्तसंस्थांकडून सहाय्य नसल्याने  'समृद्ध जीवन' या कंपनीने  जर या कंपनीस कर्जे दिली असतील तर त्या कर्जांची परतफेड करण्याची जबाबदारी 'ब्रॉडकास्ट इनिशिएटीव लिमिटेड कंपनी'च्या संचालकांवर येऊन पडणार हे निश्चित.

एरव्ही एखादी कंपनी तोट्यात गेल्यास किंवा बुडाल्यास संचालक जबाबदार नसतात, मात्र महाराष्ट्र गुंतवणूकदार व ठेवीदार संरक्षण कायद्यानुसार समृद्ध जीवन फुड्स आणि मोतेवार  यांच्यावर कारवाई झाल्यानंतर ब्रॉडकास्ट इनिशिएटीव लिमिटेडवरही त्याच कायद्यानुसार कारवाई होईल आणि या कंपनीत समृद्ध जीवन फुड्सने प्रत्यक्ष व अप्रत्यक्ष रूपाने गुंतवलेली रक्कम परत न दिल्यास ब्रॉडकास्ट इनिशिएटीव लिमिटेडच्या संचालकांची मालमत्ता जप्त होऊ शकते.

ब्रॉडकास्ट इनिशिएटीव लिमिटेडच्या संचालकांची मालमत्ता  जप्त करण्याची कारवाईही लवकरात लवकर व्हावी आणि इतर संचालक राजीनामे देऊन निसटून जाणार नाहीत याची काळजी घ्यायला हवी, अशी मागणी हिंदू विधीज्ञ परिषदेचे सचिव अ‍ॅड. संजीव पुनाळेकर यांनी सरकारकडे केली आहे. या प्रकरणात गुंतवणूकदारांना विनामुल्य सल्ला दिला जाईल आणि वेळप्रसंगी उच्च न्यायालयात जनहित याचिका दाखल केली जाईल, अशी माहिती पुनाळेकर यांनी दिली आहे.

--------------------------

कोण आहेत सुप्रिया कणसे ?

महेश मोतेवार यांनी 2002 याली पुण्यामध्ये समृद्धी जीवन फूड्स इंडिया लिमिटेड या कंपनीची स्थापना केली. त्यावेळी सुप्रिया कणसे या कारकून म्हणून कामाला लागल्या. त्यानंतर त्यांचे महेश मोतेवार यांच्याशी 'सूत' जुळले, व मोतेवारांनी त्यांची थेट कंपनीच्या जनरल मॅनेजरपदी नियुक्ती केली. 

दरम्यान मोतेवार यांची सुप्रियाशी असलेली ही 'जवळीक' त्यांची दुसरी पत्नी लीना मोतेवार यांना खटकली व त्यातूनच लीना यांनी सुप्रियाला ठार मारण्यासाठी तब्बल 5 लाखांची 'सुपारी' दिली. त्यानुसार 19 डिसेंबर 2009 रोजी 5 मारेकर्‍यांनी पुण्यातील एफ. सी. रोडवरील कंपनीच्या पार्किंग परिसरात धारधार हत्यारांनी तिच्यावर प्राणघातक हल्ला केला. त्यावेळी त्यांच्या हात व डोक्याला जबर मार लागला. या हल्ल्यादरम्यान सुप्रिया यांचा तत्कालीन ड्रायव्हर राजू बिरादार याने हल्लेखोरांना पकडण्याचा प्रयत्न केला. मात्र हे हल्लेखोर तात्काळ टू-व्हीलरवरून पसार झाले. प्रसंगाचे गांभीर्य ओळखून तेथील लोकांनी सुप्रिया यांना संचेती हॉस्पीटलमध्ये अ‍ॅडमिट केले. त्यावेळी त्यांची प्रकृती चिंताजनक होती.

तत्कालीन डेप्यूटी कमिशनर (पोलिस) ज्ञानेश्‍वर फडतरे व त्यांच्या टीमने मोठ्या धाडसाने या हल्ल्यातील पाच मारेकर्‍यांना (लीना यांचा तत्कालीन ड्रायव्हर वाघेश्‍वर प्रल्हाद मते यासह) ताब्यात घेतले. या मारेकर्‍यांच्या कबुलीजबाबात हा हल्ला करण्यासाठी लीना मोतेवार यांनी सुपारी दिल्याचे आरोपींनी सांगितले.

मोतेवार हे सुप्रियाशी 27 डिसेंबर 2009 रोजी लग्न करणार होते. या विवाहबाह्य संबंधांमुळे दुखावलेल्या लीना यांनी हा हल्ला आपण स्वतःच 'सुपारी' देवून केल्याचे कबूल केले. पोलिसांनी लीना यांना सुप्रियाचा खून करण्याचा कट रचल्याच्या आरोपाखाली अटकही केली होती. 

त्यावेळी सुप्रियाचे वय होते अवघे 25 वर्षे. त्यानंतर मात्र सुप्रिया कणसे यांच्या प्रगतीचा आलेख हा कायमच उंचावर राहिला. त्यांना नंतर 'मी मराठी', 'मी मराठी लाईव्ह'च्या सीईओपदी नियुक्त करण्यात आले. त्यामुळे त्यांचा रुबाब अधिकच वाढला. उठसुठ जगाला पत्रकारिता, सेक्युलरतेचे धडे देणारे तथाकथित दिग्गज ज्येष्ठ संपादक, पत्रकार या सुप्रियाचे तळवे चाटू लागले . 

-----------------------------------------------------------------

सुप्रियांचा राजीनामा मात्र क्रिमिनल लायबिलीटीतून मुक्तता नाही 

ब्रॉडकास्ट इनिशिएटीव्ह लिमिटेड ही कंपनी मोतेवार यांच्या मालकीची आहे. मोतेवार यांनी श्री अधिकारी ब्रदर्स न्यूज अ‍ॅण्ड टेलिव्हिजन नेटवर्क लिमिटेड या कंपनीकडून मी मराठी हे चॅनेल 2008 साली विकत घेतले, तर मी मराठी लाईव्ह हे मराठी वृत्तपत्र 27 फेब्रुवारी 2015 रोजी चालू केले.

या प्रसारमाध्यमांसाठी भरभक्कम पैसा हवा होता. मोतेवार यांनी गुंतवणूकदारांना चुना लावून जमवलेल्या कोट्यवधी रुपयांच्या काळ्या पैशातून हा पैसा उभा केला. 

या प्रसारमाध्यमांतून सरकार दरबारी अंकुश (दबाव) रहावा व गुंतवणूकदारांची कायमच फसवणूक करत रहावी, या उद्देशाने कुमार केतकर, निखील वागळे, शिवसेनेचे माजी खासदार भारतकुमार राऊत यांसारख्या मराठीतील तथाकथित मातब्बर पत्रकारांची फौज मोतेवर यांनी कामाला ठेवली.

या वर्तुळाकार व्यवहारांना सांभाळण्यासाठी त्यांनी त्यांच्या 'खास' मर्जीतील सुप्रिया कणसे यांची नियुक्ती केली. मात्र जसजशी प्रकरणे अंगलट येवू लागली, तसतशी सुप्रिया कणसे यांच्या पायाखालची वाळू सरकू लागली. अखेर 5 नोव्हेंबरला त्यांनी या कंपनीच्या सर्व पदांचा राजीनामा दिला आहे. मात्र तरीही त्यांची क्रिमिनल लायबिलीटीतून मुक्तता होवू शकत नाही, असा दावा ज्येष्ठ वकिलांनी केला आहे. 

---------------------------------------------------

भुरटे मंत्री व सोन्याचे नाणे 

'महेश मोतेवार मराठीच पण 420' या मथळयाखाली 'मुंबई मित्र'ने २१ आक्टोबर रोजी प्रसिद्ध केलेल्या बातमीमुळे मोतेवार व त्यांच्या बागडबिल्ल्यांची एकच तारांबळ उडाली. 'मी मराठी' चालूच राहणार' असल्याचे सांगत त्यांनी भाजपशी सलगी वाढवण्याचा प्रयत्न आणखी तीव्र केला.

यासाठी त्यांनी भाजपच्या मंत्र्यांना 'मी मराठी' व 'मी मराठी' लाईव्ह'च्या ऑफिसमध्ये सदिच्छा भेट देण्यासाठीसाठी आमंत्रण पाठवले. या भेटीला येणार्‍या मंत्र्यांना एक सोन्याचे खणखणीत नाणे देण्याचे कबूल केले असल्याची माहिती ज्येष्ठ सामाजिक कार्यकर्ते निलेश मंगळे यांनी दिली. यानुसार महसूलमंत्री एकनाथ खडसे व वनमंत्री सुधीर मुनगंटीवार यांनी त्वरीत हजेरी लावली व मोतेवारांच्या त्या 'प्रेमाच्या भेटी'चा स्वीकार केल्याची माहिती सामाजिक कार्यकर्ते दिलीप इनकर यांनी दिली.

------------------------------------------------------

'समृद्ध जीवन'सह संचालक महेश मोतेवारांवर गुन्हा दाखल

सेबीने निर्बंध लादल्यानंतरही लोकांकडून गुंतवणूक स्वीकारल्याप्रकरणी 'समृद्ध जीवन फूड्स' कंपनीसह महेश किसन मोतेवार यांच्याविरुद्ध 1 नोव्हेंबर रोजी फसवणुकीचा गुन्हा दाखल करण्यात आला. सेबीने शनिवारी ३१ ऑक्टोबरला सायंकाळी या संदर्भात डेक्कन पोलीस ठाण्यात तक्रार केली असून, या गुन्ह्यात त्यांच्या सहकार्‍यांनाही आरोपी करण्यात आले आहे. महेश किसन मोतेवार, वैशाली महेश मोतेवार, घनश्याम पटेल आणि राजेंद्र भंडारे यांच्यासह 'समृद्ध जीवन फूड्स' कंपनीविरुद्ध भादंवि 420, 188, 120 ब नुसार गुन्हा दाखल करण्यात आला आहे. याप्रकरणी सेबीचे सहायक महाव्यवस्थापक सचिन ए. सोनवणे यांनी तक्रार केली होती. 

पोलिसांनी दिलेल्या माहितीनुसार, 31 ऑक्टोबर 2013 रोजी सेबीने कंपनीला गुंतवणूक न घेण्याबाबत नोटीस बजावली होती. कंपनीमार्फत 'कलेक्टिव्ह इन्व्हेस्टमेंट स्कीमद्वारे' लोकांकडून आर्थिक गुंतवणूक तसेच ठेवी घेण्यात येत होत्या़  अशा प्रकारची गुंतवणूक घेण्यासाठी सेबीची परवानगी आवश्यक असते. ही परवानगी समृद्ध जीवनने घेतलेली नव्हती. त्यामुळे गुंतवणूक थांबविण्याचे आदेश सेबीने दिले होते. परंतु, तरीही कंपनीने गुंतवणूक घेणे सुरूच ठेवले होते. त्यामुळे सेबीने कंपनीची चौकशी सुरू केली.  याआधी सेबीने समृद्ध जीवनला गुंतवणूकदारांची रक्कम तीन महिन्यात परत करण्याचे आदेशही दिले होते. मात्र, सेबीचे कोणतेही आदेश न पाळता समृद्ध जीवनने मनमानी कारभार चालूच ठेवला आहे.  

------------------------------------------------------

शेंबुड आपल्या नाकाला ! 

उठसुठ हिंदुत्त्वाच्या नावाने खाकरणार्‍या कुमार केतकरांनी आयुष्यभर सोनीया गांधींची चाकरी केली. आता ते मोतेवारांची धुणी धूत आहेत. मोतेवारांना लाखो जनतेचे तळतळाट लागत आहेत. या पापात केतकरही सामील आहेत. त्यांनाही मोतेवारांप्रमाणे तुरूंगाची हवा खावी लागणार आहे.
अ‍ॅड. वीरेंद्र इचलकरंजीकर,अध्यक्ष, हिंदू विधीज्ञ परिषद 

-------------------------------------------------------

मोतेवार यांनी लोकांचा लुटलेला पैसा हा त्यांनी त्यांच्या 'मी मराठी' या चॅनल व 'मी मराठी लाईव्ह' या वृत्तपत्रात गुंतवला आहे. अशा प्रकारच्या लुटलेल्या पैशातून त्यांनी संबंधित कर्मचार्‍यांना दिलेला पगारही सरकार त्यांच्या अकाऊन्टमधून कधीही जप्त करू शकते. भारतीय दंड संविधान 120 ब अन्वये षडयंत्र रचणारा व त्याला सहकार्य करणारा तितकाच दोषी आहे. यामुळे जी शिक्षा 420 मोतेवारांना मिळेल तीच शिक्षा सरकारने या संपादक, संचालक यांना द्यावी, अशी मागणीही हिंदू विधीज्ञ परिषदेचे अ‍ॅड. संजीव पुनाळेकर यांनी केली आहे.

....................................................................................

लाखो गोरगरिब गुंतवणुकदारांना कोट्यवधींचा चुना लावणार्‍या 420 महेश मोतेवार यांची सखोल चौकशी करण्यात यावी. याप्रकरणी महाराष्ट्र प्रोटेक्शन ऑफ डिपॉजिटर्स अ‍ॅक्ट (एमपीआयडी) लागू करण्यात यावा. जनतेच्या लुबाडलेल्या पैशातून जर 'मी मराठी' चॅनल व 'मी मराठी लाईव्ह' हे वृत्तपत्र विकत घेऊन चालवले जात असेल तर सरकारने या प्रसारमाध्यमांवर जप्ती आणली पाहिजे. इतकेच नव्हे तर या प्रकरणाची सखोल चौकशी होऊन संबंधितांवर मोक्काची कारवाई केली गेली पाहिजे.
अ‍ॅड. संजीव पुनाळेकर सचिव, हिंदू विधिज्ञ परिषद

याबाबत प्रतिक्रियेसाठी महेश मोतेवर, मोतेवार यांच्या द्वितीय पत्नी लीना, सुप्रिया कणसे, कुमार केतकर यांना संपर्क साधला असता तो होवू शकला नाही.

- उन्मेष गुजराथी